Кёгетле сакъланнган жерлеге къошулады

Былтыр Къабарты-Малкъарда кёгетледен бир жолгъа  182,2 минг тоннаны сакъларча комплексле  ишленнгендиле. Ол буруннгу жылдан эсе 31,8 минг тоннагъа неда 20 процентге кёпдю,- деп билдириледи КъМР-ни  Эл мюлк министерствосуну пресс-службасындан.

Жыл сайын  жемиш эм наныкъ  бахчалыкълагъа  танг къошула барады. Ол себепден аланы тирликлерин сакъларча жерлеге да сурам ёседи.

- Бюгюнлюкде  кёгетле бла наныкъланы жылны узуну  сакъларча эм адамланы качестволу продукция бла  жалчытырча  энчи жерле  болмай жарырыкъ тюйюлдю.  Келир заманда къыралны болушлугъу бла аланы санына энтта да  къошула барлыкъды.

Алай бла былтыр агропромышленный  комплекс бла байламлы объектлени къурулушуна эм жангыртыугъа этилген къоранчланы бир кесегин къайтырча программагъа кёгетлени сакълагъан жерле да киргендиле. Анга федерал бюджетден  112,6 миллион сом  бёлюннгенди, республикада кесинден 0,6 миллион сом къошханды,- дейди КъМР-ни эл мюлк министри  Хасан Сижажев.

 

Магометланы Сулейман.
Поделиться: