Жамауат палатаны Жаш тёлю советини жангы къаууму къуралады

Жамауат палатада Жаш тёлю совет – кенгеш органды, аны борчу палатагъа жаш тёлюню законлу сейирлерин эм эркинликлерин къоруулаугъа, жаш тёлю биригиулени ишлерин къураугъа эм жаш тёлю политиканы бардырыугъа себеплик этиудю. Аны мурдорунда жаш адамланы проектлери сюзюледиле, аланы башламчылыкъларын жашауда толтурургъа болушлукъ бериледи.  

Жаш тёлю советни жангы къауумун къурау бла байламлы Жамауат палата Россейни 18-35-жыллыкъ инсанларындан заявленияланы алып башлагъанын билдиреди. Кандидатланы битеуроссей эм регионла аралы жаш тёлю биригиулени жер-жерли бёлюмлери, ала Къабарты-Малкъарда эсепге тюшген эселе, республиканы жаш тёлю жамауат биригиулери, коммерциялы болмагъан организацияла, профессионал  билим берген учрежденияланы студент органлары эм адамла кеслери иерге боллукъдула.

Конкурсха къатышыр ючюн, 14 январьдан башлап 4 февральгъа дери Жамауат палатагъа быллай документлени жиберирге керекди:

- заявление;

- толтурулгъан анкетаны (къол бла неда компьютерде жазып);

- паспорт неда башха удостоверение;

- билим алгъаныны юсюнден документни копиясы неда окъуй тургъаныны юсюнден билим бериу учреждениядан справка;

- кандидат Жаш тёлю советге бир тюрлю организациядан келе эсе, андан энчи  бланкда жазылгъан письмо (организацияны башчысыны эм организацияны кесини мухуру бла).

Заявкала алыу бошалгъандан сора, 7 кюнню ичинде комиссия документлени тинтирикди эм кандидатланы конкурсха ийиуню юсюнден оноу этерикди.

Документлени бу адрес бла жиберирге тийишлиди: Нальчик ш., Ленин атлы проспект, 57-чи юйню 3-чю къатысы. Соруула бла 8 (8662) 77-69-93 телефон номерге сёлеширге боллукъду.

Кульчаланы Зульфия.
Поделиться: