Казбек Коков Жаш къараучуну театрыны мекямын жангыртыу къалай баргъанына къарагъанды

КъМР-ни Башчысы Казбек Коков Жаш къараучуну театрыны мекямына тынгылы ремонт этиу къалай баргъанына къарагъанды. Анда жангыртыу ишле «Маданият» миллет проектни «Маданият болум» регион проектине кёре 2020 жылдан бери бардырыладыла.

Объектде къурулуш ишле белгиленнген болжалларындан алгъа тамамланыладыла. Аланы 2022 жылны август айына – Къабарты-Малкъар Республика къуралгъанлы  100-жыллыгъына - бошаргъа белгиленеди.

ангы проект эски мекямны онгларын кенгертирикди. Мында кёп тюрлю жумушла тамамланыллыкъдыла, ол санда Жаш къараучуну театрыны сахна оюнлары бла бирге уллу сабий байрамланы ётдюрюрге, сурат кёрмючле къураргъа, форумла жыяргъа да боллукъду.

Ич отоулары жангыртылып бошалгъандыла. Инженер коммуникацияла, суу быргъыла алышындырылгъандыла, жангы терезеле салыннгандыла. Залгъа  тийишли оборудование да орнатылгъанды.

Республиканы Башчысыны буйругъу бла Жаш къараучуну театрыны мекямы тарых бетин тас этерик тюйюлдю, Къабарты-Малкъарны ара шахарында сабий эмда жаш тёлю чыгъармачылыкъны арасы боллукъду.

Поделиться: