Кишиликлери, ётгюрлюклери ючюн да - майдаллаКёп болмай РФ-ни ич ишле министри полицияны генералы Владимир Колокольцевни буйругъу бла Къабарты-Малкъарны органларында ишлегенлени къаууму борчларын бет жарыкълы толтургъанлары ючюн ведомстволу саугъалагъа тийишли болгъандыла. Анга аталгъан къууанчлы жыйылыуда КъМР-де ич ишлени министри полицияны генерал-майору Василий Павлов «Къуллугъунда ётгюрлюгю ючюн» майдалны МВД-ны Нальчик шахар округда управлениясыны таматасы полицияны полковниги Хачим Шебзуховха эм ёз къоркъуусузлукъну бёлюмюню оператив-излеу кесегини таматасы полицияны подполковниги Мурат Пшеуновха бергенди. Андан сора да, МВД-ны республикада тылыны таматасы ич ишлени полковниги Сергей Корниенко, МВД-ны Нальчикде управлениясыны оперуполномоченныйлери - тамата лейтенант Астемир Балкизов бла полицияны лейтенанты Киштикланы Ислам «За боевое содружество» майдалгъа тийишли болгъандыла. Россейни МВД-сыны И.Д.Путилин атлы майдалы бла уа энчи магъаналы ишле жаны бла оперуполномоченный полицияны майору Арсен Шортаев саугъаланнганды. МВД-ны Урван районда бёлюмюню тамата оперуполномоченныйы полицияны майору Замир Сохроковха уа ведомствону атындан ыспас къагъыт берилгенди.
Поделиться:
Читать также:
03.05.2024 - 10:16 →
Республиканы ариу жерлерине жолоучулукъ
03.05.2024 - 10:10 →
Алгъын жашларыбыз эртте юйюр къурагъандыла
03.05.2024 - 10:05 →
Малкъар тилде чыкъгъан газетни сюйюп окъугъандыла
03.05.2024 - 09:27 →
Сатыу-алыугъа себеплик этилликди
03.05.2024 - 08:38 →
Сабанлагъа – хайырлы, бал чибинлеге уа - уу
|