Ал жанында - Шимал Кавказны регионларын экономика жаны бла айнытыуну хайырлы амалларын табыу

Казбек Коков Шимал-Кавказ федерал округну регионларыны экономикаларын айнытыуну амалларын жарашдырыугъа аталгъан кезиулю кенгешге къатышханды. Аны Россейни Правительствосуну Председателини орунбасары Александр Новак бардыргъанды.

Кенгешде вице-премьерге Шимал-Кавказны экономикасын айнытыуну амалларына къошаргъа деп регионла жарашдыргъан баш магъаналы проектле кёргюзтюлгендиле. Бу иш РФ-ни Правительствосуну Председатели Михаил Мишустинни буйругъуна кёре бардырылады.

Кенгешни ахырында Александр Новак анга кёргюзтюлген проектлени профильли ведомствола бла бирге бютюн толу жарашдырыргъа буюргъанды. Аллай проектле регионлада халкъны жашау къолайлыгъын игилендириуге себеплик этедиле, дегенди. Ол правительство айныуну кеси амалларын къурагъан, социал сфераны бла экономиканы жангы даражагъа чыгъарыр муратда уллу борчла салгъан регионлагъа къолундан келген болушлукъну этеригине ышандыргъанды.

Поделиться: