Социал-экономика, жамауат-политика айныуну онгларына къарагъандыла

Тюнене Нальчикде РФ-ни Президентини Шимал-Кавказ федерал округда толу эркинликли келечиси Юрий Чайка Къабарты-Малкъарны Башчысы Казбек Коков бла ишчи тюбешиу бардыргъанды.  Аны кезиуюнде субъектни социал-экономика, жамауат-политика айныууну онглары сюзюлгендиле, ол санда РФ-ни Президенти Владимир Путинни буйрукълары къалай толтурулгъанларына да къаралгъанды.

 Юрий Чайка Нальчикде онкология диспансерни къурулушун ахырына жетдирирге себеплик этиллигини юсюнден билдиргенди. Аны оноуу РФ-ни Финансла министерствосу бла  бирге этилгенди.

Къабарты-Малкъарны Башчысы бу жумушну тамамларгъа себеплик этгени ючюн Юрий Яковлевичге жюрек ыразылыгъын билдиргенди.
Тюбешиуню кезиуюнде Къабарты-Малкъарда санитар-эпидемиология болум да сюзюлгенди, аны тап халгъа келтириу жаны бла мадарла да белгиленнгендиле.

Поделиться: