Аманлыкъчыла тутулгъандыла

Тас болгъанланы терк табаргъа телефонла болушурукъдула

«Оператив-излеу ишни юсюнден Федерал законну 8-чи статьясына кийирилген тюзетиуле быйыл 12 июльда кючлерине киргендиле, деп билдиредиле Май районну прокуратурасындан. Алагъа кёре  тас болгъан адамланы телефонлары къалайда болгъанларыны юсюнден шартланы мобиль оператордан сюдню оноуу болмай алыргъа эркин этиледи. Анга излеуню бардыргъан органны башчыларындан бирини бегими да тамамлыкъ этерикди.

Дагъыда белгисиз тас болгъанны аны телефонунда жазылгъан абонентле эмда (неда) башха абонентле эмда аланы абонент устройстволары, башха оборудованиялары бла байламлыкъланы юсюнден шартланы, абонент устройство къалайда болгъаныны юсюнден билирге да эркин этиледи.

Белгисиз тас болгъан адам акъылбалыкъ тюйюл эсе, закон бла сакъатха саналгъан эсе, тийишли шартланы алыу аны законлу келечисини ыразылыгъы бла бардырылады. Излеу бла кюрешген орган 48 сагъатны ичинде ол ишин тамамларгъа сюдден эркинлик алыргъа неда аны тохтатыргъа керекди.

Ётюрюкню жайгъанла жазагъа тартыллыкъдыла

«Информацияны, информация амалланы эмда информацияны къоруулауну юсюнден» 2006 жылда 27 июльда чыгъарылгъан 149-ФЗ номерли Федерал законда айтылгъаныча, жамауатха магъаналы  шартланы адам иш этип терс кёргюзтген эсе, аланы тюз хапарланыча жая эсе, аны бла жамауат низамгъа бла жамауат къоркъуусузлукъгъа хата сала эсе, ол жалгъан хапаргъа саналады, деп ангылатадыла Май районну прокуратурасындан. 

Басма органлада бла Интернетде ётюрюклени иш этип жайгъан адам административ жууапха тартылады, анга 30 минг сомдан башлап 100 минг сомгъа дери тазир салынады. Къуллукъчулагъа уа 60 минг сомдан башлап 200 минг сомгъа дери тёлетедиле, организациялагъа  салыннган тазир а 200 минг сомдан  500 минг сомгъа жетеди. Аны бла да къалмай, ётюрюкню нени болушлугъу бла жая эселе да, ала сыйырылады (ч.9 ст.13.15 Коап РФ).

Жамауатха магъаналы информацияны халкъгъа иш этип жайыу, аны бла уллу хата салыу уголовный ишге саналады (Уголовный кодексни 207.2- статьясы). Инсанланы жашауларына бла къоркъуусузлукъларына къоркъуу салгъан ётюрюк хапарланы жайгъанла да уголовный жууапха тартыладыла (РФ-ни УК-сыны 207.1-чи статьясы).

Юсюпланы Галина хазырлагъанды.
Поделиться: