Огъары Малкъаргъа келген биринчи машина

Бу сурат урушну аллында жыллада Огъары Малкъарда алыннганды.

Ол заманда элге машина бла келген алай тынч тюйюл эди. Жолла тик, тар. Машинаны жюрюте билген, анда ишлеген да хазна адам болмаз эди.

Болсада мында  жигит жашла табылгъандыла. Ала Нальчикге келип,  шофёр усталыкъгъа юйренип, бери  машинаны келтиргендиле. Элде аны кёргенле бек сейирге къалгъандыла. Биринчиле болуп Огъары Малкъаргъа  машинала  бла киргенле бир ненчаулан  болгъандыла. Ол санда Османланы Магомет, Хулчаланы Мустафа.

Магомет урушну биринчи жылларында  танкчы эди. Эки кере жаралы болуп госпитальда саулугъуна бакъдыргъанды. Артда Къабарты-Малкъарны тийресинде къуралгъан 115-чи атлы аскерни санында болгъанды. Ростов тийресинде Большая Мартыновкада сермешледен биринде ёлгенди.

Суратдагъы жашланы юслеринден айтханда, сол жанындан экинчиси Токълуланы  Малкъарбийди. Ючюнчю жаш  Османланы Хажи-Дауутду. Урушха дери ол  Огъары Малкъарда устаз эди. Ол  СССР-ни устазларыны биринчи съездлерине да къатышханды. Анда биринчи доклад  да  этгенди. Сюргюнден  къайтхандан сора Къарачай-Черкесде  школну директору болуп кёп жылланы  ишлегенди.  Артда мектепге аны атын атагъандыла. Кеси уа кёп болмай   ауушханды.

Машинаны ичинде олтургъан а башында сагъынылгъан  Османаланы Магометди.  Огъары Малкъаргъа биринчи трастор берген заманларында Калмыков машинасы бла ары келеди. Шофёру тардан ётерге базынмай, элге  машинаны Осман улу элтеди. Сура ол кезиуде алыннганды. Суратда къыйырындагъы эки жаш а Асанланы  Аскербий бла Хасауланы Хажи-Дауутдула.