КъМР-ни Башчысы Казбек Коков Нальчикде ишлене тургъан поликлиниканы жокълагъанды

Бюгюн КъМР-ни Башчысы Казбек Коков Нальчикде ишлене тургъан биринчи поликлиниканы жокълагъанды. Аны юсюнден республиканы оноучусуну пресс-службасы билдиреди. 

Жангы поликлиника къалай ишлеригин, анда кюннге бир сменагъа 500 адамгъа къараргъа онгла къураллыгъын  республиканы башчысына КъМР-ни саулукъ сакълау министри Рустам Калибатов айтханды.

 Мекямны ишлеген кезиуде «аяулу технологияланы» битеу амаллары хайырланадыла: поликлиникагъа келгенле бла кетгенле бир-бирлерине тюбешмезча онгла къуралгъандыла, мекямны ичинде ары-бери жюрюгенде кабинетле саусузлагъа таплыкъгъа деп орналгъандыла, адамла аслам келген специалистле биринчи этажлада боллукъдула, сакъларгъа тюшген кезиуле болсала, адамлагъа деп тынч онгла къураллыкъдыла.

Республиканы оноучусуну буюруу бла шёндю поликлиника орналлыкъ Хуранова орамны да жангырта турадыла, андан сора да аны тёгереги да толусунлай тапландырыллыкъды.