Себепликни жангы мадарлары къыралны башчысына билдирилгендиле

СВО жаны бла ишчи къауум Президентге  хазырлагъан докладда аскерчилеге бир-бир документлени женгиллетилген амал бла хазырлауну юсюнден башламчылыкъ этилгенди. Дагъыда Донбассны регионларында ополченецлени бла ич ишле органлада къуллукъ этгенлени льготала бла жалчытыуну юсюнден да айтылгъанды.

Доклад къыралны башчысына берилгенди. Анда энчи аскер операциягъа къатышханлагъа бла аланы юйюрлерине къырал себепликни жангы мадарлары бардыла. Дагъыда аскер-промышленный комплексни предприятияларыны  ишлерин игилендириуге бурулгъан башламчылыкъла да белгиленнгендиле. 

«Единая Россияны» генсоветини секретары, ишчи къауумну башчысы Андрей  Турчак айтханыча, СВО-гъа къатышханла документлени хазырлагъанда женгилетилген мадарла керекдиле. «Аскерчи ауур жаралы болгъанда, аны жууукълары счётунда ахча бла хайырланалмайдыла. Сёзге, анга госпитальгъа келгенде жол хакъгъа. Аны бла байламлы келишим этгенде аскерчи фронтда болгъан кезиуде аны ырысхысына башчылыкъ этерге эркинлик берген документ керекди»,-дегенди ол.

Башламчылыкъланы бир къаууму ДНР-ни эм ЛНР-ни ич ишле органларыны къуллукъчуларына бла ополченецлеге болушлукъгъа бурулупдула. Андрей Турчак айтханыча, тинтиулени кезиуюнде кемчиликле ачыкъланнгандыла. «Бюгюнлюкде ОВД-ны къуллукъчулары Россейни башха регионларына кёчгенде, чынлары сакъланмайды. Алай бла уа льготасыз эм  ишлеген жыллары ючюн тийишли тёлеусюз къаладыла»,-дегенди ол.

 Быллай кемчиликлеге аскерде къуллукъ этгенле да тюбейдиле. Аны бла бирге юй бла жалчытыугъа льготаны тергегенде, ДНР-де бла ЛНР-де къуллукъ этген жылла кирмей  къаладыла.

- Правительствогъа, Къырал думагъа, Федерация Советге инсанланы бу къауумларыны чынларын сакъларгъа, закон бла тийишли льготаланы тохташдырыргъа бурулгъан праволу оноула чыгъарыргъа кереклиси эсгертилгенди. Андан сора да кюч ведомстволаны келечилери, сёзге, росгвардиячыла, юйюрде сакъат сабий бар эсе, жашау журт  тёлеулени биринчилени санында алыргъа боллукъдула. Аскерчиледе уа быллай жорукъ жокъду. Бу келишмеулюкню да кетерирге керекди,-деп белгилегенди ол.

  Андрей Турчак  Президентге ишчи къауум алгъын этген башламчылыкъла къалай тамамланнганларыны юсюнден да айтханды. Юлгюге, СВО-гъа берилген техниканы эсепге салгъанда къырал тёлеулени кетериу жаны бла федерал закон къабыл кёрюлгенди. Дагъыда  СВО-да жан берген аскерчини сабийи сакъат эсе, анга эки тёлеуню (сакъатлыкъ ючюн эм анга къарагъан адамсыз къалгъаны  ючюн) сакълауну юсюнден законопроект хазырланнганды.

 - Аскерчилени фронтдан къайтхандан сора арктикалы эм узакъ востоклу гектарны алыргъа эркинликлери  сакъланады. Къаугъаны ветераны (сакъат) ишлеген кезиуде анга борчлу халда страхованияны ёлчемин азайтыуну юсюнден законопроект Правительствону къараууна берилгенди,-деп къошханды Андрей Турчак.

 Эсигизге салайыкъ, СВО жаны бла ишчи къауум РФ-ни Президентини буйругъу бла къуралгъанды. Аны къауумуна федерал парламентни эки палатасыны депутатлары, Къоруулау министерствону къуллукъчулары, жамауат организацияланы келечилери, аскерчи журналистле киргендиле.

Ишчи къауум алгъын хазырлагъан башламчылыкъладан бирлери ишлеп башлагъандыла, башхалары уа Къырал думаны эм Правительствону къарауларындадыла. 

 СВО-гъа къатышханлагъа бла аланы юйюрлерине себепликни мадарлары  Къабарты-Малкъарда да бардырыладыла. Бу соруула жаны бла органла «Ата журтну къоруулаучулары» фондну регион бёлюмю бла байламлыкъда ишлейдиле, деп билдирилгенди KABARDIN-BALKAR.ER.RU сайтда.  Алгъаракълада уа КъМР-ни Башчысы, «Единая Россияны» регион бёлюмюню секретары Казбек Коков фондну регион бёлюмюню башчысы Муаед Дадов бла тюбешгенди. Анда аскерчиледен бла аланы юйюрлеринден келген тарыгъыуланы бла тилеклени тамамлауну сорууларына къаралгъанды.

   Казбек Коков   Президент фондну онглары кенгертилгенини, реабилитация жумушлагъа энчи магъана берилгенини юслеринден айтхан эди тюбешиуде.     КъМР-де бу жаны бла жумушла санаторийледе тамамланадыла.   Дагъыда аскерчи борчларын толтура сакъатлыкъ тапханланы жашау  журтларында чырмаусуз мадарла толтурууну юсюнден да айтылгъанды. Республиканы бу жаны бла сынауу къыралда игилени санында белгиленнгенди.