Къабарты-Малкъар Республиканы Башчысы К.В.Коковну Малкъар халкъны жангырыууну кюню бла алгъышлауу

Багъалы жерлешлерим! Сизни Малкъар халкъны жангырыууну кюню бла жюрегимден къызыу алгъышлайма!

Республикабызны битеу жамауаты сыйлы кёрген бу байрам тюзлюк хорламай къалмазлыгъыны, малкъар халкъны ниет чыныулугъуну, бюгюлмезлик кючюню, таукеллигини белгисиди. Таулу миллет, законсуз кёчгюнчюлюкню азабын сынап, кёрген къыйынлыкъларыны алларында бюгюлмей, туугъан жерине къайталгъанды эмда Къабарты-Малкъарны халкъыны себеплиги бла жангыдан аягъы юсюне туруп, бютюн да кючлю болгъанды.

Озгъан жылла малкъар халкъны битеу бёлюмледе магъаналы жетишимлери бла айырмалыдыла. Бюгюнлюкде да ол къыралыбызны кёп миллетли шуёх юйюрюнде Къабарты-Малкъарны келир заманы иги болуруна, Россейни кючлю, монглу эмда жалынчакъсыз къыралча айнырына тийишли юлюшюн къошады.

Биз бирге болсакъ, бютюн бириксек, не уллу тыйгъычладан да ёталлыгъыбызгъа, туугъан республикабыз эмда Ата журтубуз ырахат жашау этер ючюн салыннган борчланы толтурмай къалмазлыгъыбызгъа ийнанама.
Байрам бла алгъышлай, Къабарты-Малкъарны жамауатына кийик саулукъ, жетишимле эмда бар игиликле тежейме