«Россейге къошулуу азатлыкъны белгисиди эм тарых кертиликни байрамыды»

Къабарты-Малкъар Республиканы Башчысы Казбек Коков Кърым Республиканы Башчысы Сергей Аксёнов эмда Кърымны жамауатын Россейге къошулгъанларыны 10-жыллыгъы бла алгъышлагъанды.

«Бу иш Кърым жарым айрыкамны халкъыны эмда битеу къыралны къадарында магъаналы болгъанды, ол азатлыкъны белгисиди эмда тарых кертиликни байрамыды, республиканы айныууна да жангы онгла ачхан болумду.

Бюгюнлюкде, шёндюню битеу чакъырыуларына да къарамагъанлай, Кърымны жамауаты тамблагъы кюннге ышаныу бла къарайды, кёп миллетли Россейни шуёх юйюрюнде келлик заманын къурайды.

Кърымлыланы бирликде бла байламлыкъда битеу къыйынлыкъладан ёталлыкъларына, Кърым Републиканы бла битеу Россейни игиликлерине деп салыннган борчлагъа жеталлыкъларына ийнанама.

Битеу жюрегимден Кърымда жашагъан адамлагъа саулукъ-эсенлик, жетишимле эмда барыбыз да сакълагъан хорламыбызны теркирек жетеригин тежейме», - дегенди Казбек Коков.