Регионну айныууна тири къатышайыкъ

«Хурметли шуёхла!   Жууукъ кюнледе 15-17 мартда битеу къыралда тёгерекни тапландырыу бла байламлы битеуроссей къол кётюрюу бардырыллыкъды.

Сайлаула «Жашау журт эм шахар жашау» миллет проектни эмда «Шахарлада жашарча тынгылы  болумланы къурау» федерал проектни чеклеринде  бардырыладыла. Миллет проект РФ-ни Президенти Владимир Путинни башламчылыгъы бла тамамланылады. 

 Анга къатышханыбызны хайыры бла Къабарты-Малкъарда 196 жамауат жерле тапландырылгъандыла эмда 517 жамауат тийре, сабийле ойнаучу къыркъ жети майдан, 19 парк, иги кесек аллея эмда жаш тёлю жыйылыучу жерле эм спорт майданла къуралгъандыла. Аланы асламысы ючюн ол орамлада жашагъанла къол кётюрген эдиле.

РФ-ни Президенти Владимир Путин кёп болмай этген Посланиясында миллет проектни 2030 жылгъа дери созаргъа оноу этгенин айтханды.

 Бизни баш борчубуз-шахарланы сыфатларын шёндюгюлю излемлеге келишдириудю эм тап жарашдырылгъан жамауат тийрелени къурауду. Ол жерледе адамла бош заманларын юйюрлери бла хайырлы ётдюрюрча, шуёхлары бла тюбеширча, физкультура бла кюреширча эм солурча этерге керекди. Бизни барыбызны да къол кётюрюуге къатышыу регионубузну айныууна себепликди.

Быйылгъы жылда къол кётюрюуге 18 объект тюшгенди: Нальчикде ол Россейни жигити Тимур Мальбахов атлы орамда Каштан аллея, Мальбахов орамда  115-чи Кавалерия дивизия атлы сквер, Киров атлы орамда сквер, Бахсанда Совет Союзну жигити Юрий Гагарин атлы сквер эм адамла жолну ётген эки жер, Прохладныйде ЗАГС-ны аллында майдан бла аллея,    Майскийде «Родина» маданият юйню аллында майдан бла Комарова орамда велосипедчиле эмда адамла жюрюген жерле, Нарткъалада Ахметова эм Красной атлы орамлада скверле, Терекде «Западный» парк эм Школьная аллея, Тырныаузда Герхожан-Суу кёпюрден тебиреп Эльбрус проспектде адамла жюрюген жерле эм Молодёжный переулок, Чегемде Лагерная атлы орамда сквер эм Южный жангы микрорайон.

 Республикада жашагъанланы битеу къырал бла бирге сайлаулагъа къатышыргъа чакъырама!

 Ол магъаналы жумушну тамамлар ючюн национальные проекты.рф сайтха ссылка бла кирип къол кётюрюр жерлени билирге боллукъду», -деп жазгъанды КъМР-ни Башчысы  Казбек Коков кесини телеграм каналында.