Чулгъамда уа – уу

КъМР-де МВД-ны наркотиклеге къажау бёлюмюню келечилери алгъын да башы сюдлюк болгъан 55-жыллыкъ инсанны юйюн тинтгендиле.  Аны кезиуюнде полициячыла кырдыгы бла чулгъам тапхандыла. Битеу да  бирге 4 артмакъда къызыл-акъсыл тюрсюнлю 14 капсула бар эди. Эр киши айтханыча, ала наркотикледиле, ол аланы  кесине асырагъанды.

Тинтиуледен ачыкъланнганыча, табылгъан уу марихуана (119,28 гр) эм  лирика (21,84 гр.) наркотикледиле.

Ишеклиге РФ-ни УК-сыны 228-чи статьясыны 2-чи кесегине кёре терслеу материалла ачылгъандыла.  Ол кёп санда наркотиклени законсуз сатып алгъаны эм асырагъаны ючюн жууап тутарыкъды. Белгиленнген законнга кёре, терсленнгенни эркинлиги 3 жылдан 10 жылгъа дери сыйырылыргъа боллукъду.