Битеу тилеклени терк да, тынгылы да толтурадыла

Къырал автоинспекция жангы регионланы 700 мингден аслам инсаныны жумушлары толтургъанды, деп билдиргенди РФ-ни МВД-сыны келечиси Ирина Волк.

РФ-ни Правительствосуну бегимине тийишлиликде, Россейни Ич ишле министерствосу Донецк эм Луганск Халкъ Республикаланы, Запорожье эм Херсон областьланы инсанларыны транспортну къырал эсепге салыу жаны бла документлерин эмда машинаны жюрютюрге эркинликни алышыу ишни бардырады. 

- Бюгюнлюкде жангы регионлада къырал автоинспекциялагъа миллиондан аслам   тилек тюшгенди. Аладан 720 минги толтурулгъанды, тийишли документле хазырланып, инсанлагъа жангы водитель правала бла машиналарына къырал белгиле берилгендиле,-дегенди Ирина Волк.

Жангы регионлада траспортну къырал эсепге салыуну эм машинаны жюрютюрге эркинлик бериуню женгиллетилген низам 2026 жылда 1 январьгъа дери ишлерикди. Бу кезиуде праваланы экзаменле бермей эм медицина тинтиуледен ётмей алыргъа онг барды. Машинаны документлерин хазырлагъанда уа, техника тинтиуледен эм таможнядан   ётерге керекмейди.

- Битеу жумушла хакъсыз толтуруладыла,-деп къошханды Ирина Волк.