Жангылыкъла

Бир талай заман алгъа Россейде жеринден тепдирилмеген ырысхыгъа регистрация этиу жаны бла жангы закон кийирилгенди. Ары дери уа мюлкге иеликни кёргюзтген къагъыт свидетельствола хайырланыудан кетерилгендиле. Ол тюрлениулеге юйю, фатары, дачасы, жер юлюшю, бир тюрлю мекямы болгъанла неда аллай мюлкню иеси болургъа сюйгенле эс бурургъа борчлудула. Юрист Марьяна Юхаранова айтханыча, энди къагъыт свидетельствола берилмейдиле. Инсанны жеринден тепдирилмеген ырысхыгъа эркинлиги болгъанына шагъатлыкъ а электрон реестрден выписка алып алай этиледи. Аны сейири болгъан хар ким да алаллыкъды.

«Каббалкэнерго» компанияны башчысыны орунбасары Аслан Балкаров РФ-ни Сюд приставларыны федерал службасыны Къабарты-Малкъарда Управлениясыны башчысыны орунбасары Олег Эфендиев бла тюбешгенди. Ала электрокюч ючюн кёп заманны тёлемей борч этип тургъанла бла ишни мындан арысында къалай бардырыргъа боллугъун сюзгендиле.

Быйылны башында   республиканы Маданият фонду  миллет биригиулени  араларында  Россейни кюнюне жораланнган  сурат конкурс бардыргъанды.  Бу кюнледе уа  анда хорлагъанланы  атлары туура этилгенди. 

 «Аскерчини анасыны жюреги» деген битеуроссей акцияны чеклеринде Шалушкада уллу тюбешиу болгъанды. Аны Сауутланнган кючлени запасдагъы офицерлерини  "Мегапир" миллет ассоциациясыны КъМР-де  биригиую  Чегем районну  бла  Шалушканы администрацияларыны себепликлери бла  къурагъанды. Бу ишни магъанасы - аскерни бла жамауатны араларында байламлыкъланы кючлендириудю, Россейни къоруулаучусун  ёсдюрген анагъа махтау салыуду.

Терек бахчаланы онгларын алгъан, заран салгъан аз зат жокъду. Тюрлю-тюрлю битим аурууланы, къурт-къумурсхаланы саны уллуду. Бирлери тереклени ёсюмюн тыядыла, къурутадыла, башхалары уа алманы неда кертмени къабугъун тешип жукъгъа жарамазча этедиле.

Къабарты-Малкъарны Пенсия фондуну бёлюмюнден  билдиргенлерине кёре,  анга приёмгъа алгъадан  сёлешип жазылыргъа керекди. Аны ючюн фондну сайтында энчи кабинетде неда Къырал жумушланы порталында эсепге тюшерге эм бу телефон номерлеге сёлеширге боллукъду:

Бу кюнледе КъМР-ни жолда жюрюуню къоркъуусузлугъуну инспекторлары пассажир транспортда аварияланы азайтыр, сабийлени къоркъуусузлукъларын сакълар мурат бла «Автобус-сабийле» рейдни бардыргъандыла. Аны кезиуюнде акъылбалыкъ болмагъанланы жюрютген транспортну техника болумларын тинтгендиле, ала тахографла бла къалай жалчытылыннганларына энчи эс бурулгъанды. Алай бла сабийлени жюрютюуге битеу излемлеге келишген машинала эркин этилликдиле.

Бу кюнледе бизни республиканы «Военторг» АО-ну генеральный директору Владимир Павлов, Россейни Къоруулау министерствосуну аскерге кийимле эмда башха керекле бла жалчытыу жаны бла службасыны таматасы Валерий Кудрявцев жокълагъандыла эмда КъМР-ни башчылары бла регионда аскерге, ФСБ-гъа, МВД-гъа, МЧС-ге, ДКС-ге  керекли кийимле чыгъарыуну айнытыуну онгларын сюзгендиле.

Черек районну къарындаш Зольск районунда  тарых  музей ачылгъанда, черекчиле  анга художник Баккуланы Владимирни  «Залгы эл» деген  суратын саугъагъа берген эдиле. Артдаракъда  художникни ол иши  «Маданият хазна» деген номинацияда «Шедевры территории победы»  конкурсха кёргюзтюлгенди эмда биринчи жерге тийишли болгъанды.