|
Календарь событий
06 декабря 2021
6 декабря, 2021 - 17:26
КъМР-ни Башчысы Казбек Коков Кавказ.РФ акционер обществону таматасы Хасан Тимижев бла «Эльбрус» курортну иши бла шагъырейленнгенди, анда бу кюнледе турист сезон ачылгъанды. Рекреация жерлени тапландырылыулукъларына къарагъандыла. Курорт туристлени алыргъа хазырды, аланы келиулерини саны ёсе барады.
Тюбешиуню кезиуюнде курортну мындан ары айныууну юсюнден соруула сюзюлгендиле. Инфраструктура къурулуш ишлени бардырыу курортну айнытыу бла байламлы магъаналы бёлюмледен бирине саналады.
6 декабря, 2021 - 17:23
КъМР-ни Башчысы Казбек Коков «Единая Россия» партияны ХХ съездини ахыр кезиую бардырылгъанда бийик советге айырылгъанды. Съезд партияны жыйырма жыллыгъына жораланып ётгенди.
Дагъыда Къабарты-Малкъардан эки келечи - Къырал Думаны депутатлары Геккиланы Заур бла Адальби Шхагошев партияны генеральный советине айырылгъандыла, деп билдиргендиле республиканы оноучусуну пресс-службасындан.
6 декабря, 2021 - 16:19
Отуз жылдан аслам заманны ичинде Яникой элде да бир къауум тамата алышыннганды.
6 декабря, 2021 - 15:28
Озгъан айны ахырындан башлап, бу айны оналтынчысына дери Россейни Банкы, Стратегиялы башламчылыкъланы агентствосу бла бирге финанс окъуулулукъ жаны бла битеуроссей онлайн-зачёт бардырадыла. Анга гражданла бла предпринимательле къатышыргъа боллукъдула.
6 декабря, 2021 - 15:26
Дейское элде тёрт коттедж маталлы юйню къурулушлары бошала турады, деп билдиргендиле Терк районну жер-жерли администрациясыны пресс-службасындан.
Бу юйлени къурулушу «Жашау этерге жарамагъан юйлени санын азайтыу» деген федерал программаны чеклеринде бардырылады. Ол кеси да «Жашау журтла эмда шахар болум» деген миллет проектге киреди.
6 декабря, 2021 - 15:24
Быйыл 1 ноябрьден башлап, тыш къыраллы электрон ахчаларын банкда счёт ачмай ётдюргенле Россей Федерацияны Административ право бузукълукъланы юсюнден кодексини 13.25-чи статьясына кёре административ жууапха тартыладыла.
6 декабря, 2021 - 15:04
Акъайланы Хажи-Мырза уста темирчи эди. Ол оракъ, бичакъ, мужура, къама ишлемеген, чагасын, балтасын жамамагъан тийреде киши да болмаз эди.
6 декабря, 2021 - 14:11
«Хурметли шуёхла!
Жюрегимми теренинден сизни Доброволецлени (волонтёрланы) кюню бла алгъышлайма.
Ол кюн биз хар затха да къайгъы этген, тынгысыз адамланы алгъышлайбыз, ала башхала ючюн огъурлу ишлени тамамлайдыла, уллу жюрек халаллыкъны кючюн юлгюге кёргюзтедиле, жамауатха таза ниетлери бла къуллукъ этедиле.
6 декабря, 2021 - 10:51
Кёп болмай Черек муниципал районну администрациясыны башчысыны къуллугъун толтургъан Къулбайланы Алан элледе социал магъаналы объектлени болумлары бла шагъырейленнгенди.
6 декабря, 2021 - 10:47
Кёп болмай РФ-ни ич ишле министри полицияны генералы Владимир Колокольцевни буйругъу бла Къабарты-Малкъарны органларында ишлегенлени къаууму борчларын бет жарыкълы толтургъанлары ючюн ведомстволу саугъалагъа тийишли болгъандыла.
6 декабря, 2021 - 10:45
КъМКъАУ-да агрономия факультетде «Эл мюлк продукцияны чыгъарыу эмда жарашдырыу технология» бёлюмню экинчи курсуну студентлери «Велес-Агро» предприятияда кёп болмай производстволу курсну ётгендиле.
6 декабря, 2021 - 10:41
Шимал Кавказда жоллагъа къарагъан «Кавказ» Управление къышха тынгылы хазырланнганды.
6 декабря, 2021 - 10:39
Черек районну администрациясыны башчысы Къулбайланы Алан анга жарсыулары бла келген эллиле бла тюбешгенди, алагъа тынгылап, тийишли буйрукъла бергенди.
|