Россейни Баш прокуратурасы КъМР-ни инсанындан зорлап ахча излеген къауумну келечилерине ачылгъан уголовный ишни къабыл кёргенди. Шимал-Кавказ федерал округну тёрт инсанына Россейни УК-сыны 126-чы статьясыны 2-чи кесегини «а», «в», «г», «з» кесеклерине (адамны урлагъаны ючюн), 163-чю статьясыны 3-чю кесегини «б» пунктуна (ахча тёлерин зорлагъанлары ючюн) терслеу материалла ачхандыла. Къауумну эки келечиси энтта 159-чу статьяны 4-чю кесегине кёре аманлыкъ этгенлери ачыкъланнганды, деп билдиргендиле бизге надзор ведомствону пресс-службасындан.
Республиканы полициячылары «Кеф водитель» рейдни бардыргъан кезиуде эсирип жолгъа чыкъгъан эмда машинаны жюрютюрге эркинликлери болмагъан 39 водительни ачыкълагъандыла. Транспорт отуз ючюсю энчи жерге салыннганды.
РФ-ни Къырал Думасыны депутаты Виктория Родина регионда ыйыкъны чеклеринде Нальчикни 11-чи школуну 7-чи классларыны окъуучулары бла финанс билимни дерсин бардыргъанды.
Республиканы инсаны 40 тонна спиртни законсуз ташыгъаны ючюн тутулгъанды.
КъМР-де МВД-ны экономика къоркъуусузлукъ эм коррупциягъа къажау бёлюмюню полициячылары, тийишли излеу-тинтиу жумушла бардырып, сабийлеге къошакъ билим бериу учрежденияладан бирини башчысы хыйлачылыкъ этгенин ачыкълагъандыла.
МВД-ны КъМР-де наркотиклени законсуз сатыу-алыугъа къажау бёлюмю оператив-излеу ишлени кезиуюнде ФСБ-ны КъМР-де управлениясыны къуллукъчулары бла бирге эм «Гром» энчи организацияны болушлугъу бла Прохладна районда Прималкинский элни къатында агъачда, уулу зат букъдура тургъанлай, бир эр кишини тутхандыла. Алайдан полициячыла бастырылып тургъан 296 хуржунну къазып чыгъаргъандыла.
Наркотиклени законсуз сатыу-алыугъа къажау оператив-излеу ишлени кезиуюнде ФСБ-ны эм МВД-ны КъМР-да управленияларыны келечилери республикагъа эм уллу ёлчемледе наркотиклени келтирген эки тыш къыралчыны тутхандыла, деп билдиргендиле ФСБ-ны КъМР-да пресс-службасындан.
Росгвардияны спортчулары Къабарты-Малкъарда спортну экстремал тау тюрлюлеринден XIV халкъла аралы фестивальгъа къатышхандыла. Эришиуле Уллу Хорламны 78-жыллыгъына аталгъандыла ала Элбрусда немец-фашистле бла уруш болгъан жерледе барадыла, деп билдиредиле КъМР-да Росгвардияны пресс-службасындан.
Республикалы телеканалладан биринде быйыл 10 майда нальчикчи тиширыуну юсюнден хапар билдирилгенди. Урунууну ветераны жашы, аны алдап, фатарын сыйыргъанын айтханды эмда кёп жылланы ичинде юйюрю бла бирге аны кёлюн сындырып сёлешгенлерине, зорлукъ сынатханларына тарыкъгъанды.