Право

Нальчикни полициячылары хыйлачылыкъ этгенине ишеклини тутхандыла. Эр киши къабакъла ишлерге айтып, 104 минг сомну алып, тас болгъанды.

Полициячыла Зольский районда кеси мюлкюнде кендир ёсдюргенни ишин тыйгъандыла. Ала аны арбазындан 38 кендир кёкен бла 53,9 грамм марихуанна сыйыргъандыла.

 Басхан районну прокуратурасы мектеплени бирини бухгалтерине ачылгъан уголовный ишни къабыл кёргенди. Ол Уголовный кодексни 159-чу статьясыны 4-чю статьясына кёре (къуллукъну хайырланып  эм уллу ёлчемледе ахча урлау) эм 292-чи статьясыны 2-чи кесегине (кесине хайыр чыгъарыр ючюн къуллукъну хайырланыу) терсленнгенди.

Нальчикни полициячылары Ижевскден эки инсанны хыйлачылыкъ этгенлерине ишекликде тутхандыла. 63-жыллыкъ нальчикчи, танымагъан адамлагъа ийнанып, 2,2 миллион сомун тас этгенди.

1999 жылда Дагъыстанда аскерчилеге чабыуулгъа къатышхан бандитни иши сюдню къараууна берилгенди.

Бир кюнню ичинде республиканы тёрт инсаны хыйлачыланы ыргъакъларына тюшюп, ахчаларын тас этгендиле. Аланы сомларын къоркъуусуз счётха салыргъа керекди  неда   байыкъланыргъа онг барды, деп алдагъандыла аманлыкъчыла.

Къабарты-Малкъарны Жамауат палатасында Росгвардияны ведомстводан тышында къалаууру эм къоруулау предприятияла инсанланы эм организацияланы эркинликлерин къалай сакълагъанларын сюзгендиле.

Республикабызда адамла аслам жыйылгъан жерледе къоркъуусузлукъну жалчытыугъа уллу магъана бериледи. Аны ючюн а къоруулау организацияланы башха-башха тюрлюлери жууаплыдыла. Къырал низамны сакълау бла Росгвардияны энчи бёлюмю – ведомстводан тышында къалаууру кюрешеди. 

Республиканы сюд приставлары, кеслерини борчларын толтургъанлары бла чекленмей, башха бийикликлеге да итинедиле. Ма бу кюнледе Баш эм Арбитраж сюдледе приставланы къауумуну башчысы Сотталаны Магомет Элбрусха ёрлегенди. 

Росгвардиячыла школла окъуу жылгъа къалай хазыр этилгенлерин тинтгендиле. Ведомстводан тышында къалауурла Билимни кюнюню аллында комиссияны къауумунда Нальчикни школларында сабийлени къоркъуусузлукълары къалай жалчытылыннганына къарагъандыла.  

Россельхознадзорну Шимал Кавказда регионла аралы управлениясыны келечилери «ВетИС» къырал системада мониторинг бардыргъан кезиуде бузукълукъ тапхандыла: бизни республикада бир предприниматель быйыл 23 июльда 705 литр сютден айран этгенин кёргюзтгенди, алай анга уа 1510 литр сют къоратханын жазгъанды.