Право

Излеу-тинтиу жумушланы тамамлагъан кезиуде РФ-ни ФСБ-сыны КъМР-де Управлениясыны къуллукъчулары, ич ишлени келечилери бла бирге республиканы юч инсаныны аманлыкъчы ишлерин тыйгъандыла. Ала законлагъа бузукълукъла этип, аракъыны чыгъаргъанларына, асырагъанларына эмда сатар мурат бла ташыгъанларына ишеклик барды.

РФ-ни Сюд приставларыны федерал службасыны КъМР-де Управлениясы «Хрустальные звездочки» битеуроссей фестивальны регион бёлюмю башланнганын билдиреди. Анга право низамны сакълаучу структураланы, власть органланы келечилерини 7 жылдан 18 жылгъа дери сабийлери къатышыргъа боллукъдула. Эришиуле юч бёлюмде бардырыладыла:   «Вокал», «Хореография» эм «Исполнительское творчество».  Аны юсюнден бизге УФССП-ны пресс-службасындан билдиргендиле.

Наркотиклени законсуз сатыу-алыугъа къажау мадарланы толтургъан кезиуде РФ-ни ФСБ-сыны КъМР-де Управлениясыны къуллукъчулары полициячыла бла бирге ортаазиялы республикаладан бирини инсаныны бузукъчу ишин тыйгъандыла.

Кадастр ишлени платформасында кадастр инженерни сайларгъа (ЭПКР) боллукъду, бу жумушну Росреестрни сайтында инсанны энчи кабинетинде неда къырал жумушланы бир порталында тамамларгъа жарарыкъды.

Законодательствону билмеу жашау журтну сатып алгъанда чурумлагъа келтирирге боллукъду. Бу ишде жангылыч этмезча Россейни Кадастр палатасыны Къабарты-Малкъарда бёлюмню эсгертиуле этиуню дурус кёргенди. Бек алгъа уа – фатарны неда юйню алырдан алгъа сатыучуну быллай операцияла этерге эркинлиги болгъанын бла къалгъанын тохташдырыргъа. Сатыу-алыу келишимни тауусханда ишеклик туудургъан битеу шартлагъа уллу эс бурургъа керекди. Бу ишни тамамларгъа жарамагъан къауумгъа акъылбалыкъ болмагъанла бла психикалары ауругъанла киредиле.

Полицияны келечисине улутха берирге умут этген уголовный жууапха тартылады.    Административ тазирден къутулургъа кюрешген полициячыгъа ахча береме деп, андан да уллу палахха тюшерге боллукъду.

 14 жылгъа дери акъылбалыкъ болмагъанны саулугъуна заран салынса, аны атасы, анасы, башха законлу келечиси жууаплыдыла.  

Черек районну школларыны окъуучулары эм аланы ата-аналары бла тюбешиуле къуралгъандыла. Право низамны сакълаучулары алагъа экстремизмни бла терроризмни къужурлукъларын ангылатхандыла.

РФ-ни Аманлыкъчыланы терсликлерине жолукъдуруу жаны бла  федерал службасыны КъМР-де Управлениясы республиканы Жарыкъландырыу эм илму министерствосу бла байламлыкъланы кючлейди. 

Былтыр октябрьда республиканы чеклеринде тюрлениуле болгъандыла, аланы санындан ариу табийгъат жерлени талайы кетерилгендиле. Болсада, Россейни бла Гюржюню чеклерине жууукълашханда, ала Баш Кавказ хребетни тёппелери бла ётедиле, алайда барыргъа эркинлик берген къагъытла, инсанны ким болгъанына шагъатлыкъ этген документ да изленирикдиле, деп билдиредиле республиканы Курортла эм туризм министерствосундан.