Политика

Къабарты-Малкъарны Башчысы Казбек Коков видеоконференция халда КъМР-де коронавирус жукъгъан аурууну болдурмазча эм аны жайылыууна контроль этиу оператив штабны кезиулю жыйылыуун бардыргъанды. 

КъМР-ни Башчысы Казбек Коков кесини инстаграм-аккаунтунда  «Тюзюнлей линиясыны» болжалы 29 июльдан 3 августха кёчюрюлгенини юсюнден билдиргенди.

Къабарты-Малкъар Республиканы Башчысы Казбек Коков бюджет бёлюмню ишчилерини айлыкъларын кётюрюу соруула жаны бла кенгеш бардыргъанды. Бюджет организациялада уруннганланы хакъларын кётюрюу борч регионну оноучусуну КъМР-ни Парламентине жыл сайын этген быйылгъы Посланиясында да салыннганды, Россейни Президенти Владимир Путинни буйрукъларына тийишлиликде.

КъМР-ни Башчысы Казбек Коков Черек районда саулукъ сакълау жаны бла регион программаны биринчи звеносуну жангыртыуу къалай бардырылгъанына къарагъанды.

Ишчи жолоучулукъгъа КъМР-ни саулукъ сакълау министри Рустам Калибатов бла Черек муниципал районну администрациясыны таматасы Муртазланы Борис къатышхандыла.   

Казбек Коков район больницаны поликлиника белюмюню ишине къарагъанды.     

29 июльда КъМР-ни Башчысы Казбек Коков «Тюзюнлей линияны» бардырлыкъды. Къабарты-Малкъар Республиканы Башчысы инсанла берген соруулагъа жууапла берликди, деп билдиредиле газетге республиканы оноучусуну пресс-службасындан.

«Тюзюнлей линияны» Москва заман бла 12 сагъатда ГТРК «Къабарты-Малкъар», ВТК «Къабарты-Малкъар» телеканаллада къараргъа эм радио «Къабарты-Малкъар» 99,5 FM тынгыларгъа боллукъду эмда КъМР-ни Башчысы Казбек Коковну «Instagram» эм «ВКонтакте» социальный сетьледе кесини аккаунтларында да кёргюзтюп башларыкъдыла.

Къоркъуулу жукъгъан ауруугъа къажау вакцинация кюч ала барады. Озгъан кюнню ичинде Къабарты-Малкъарда вакцинаны биринчи компонентин 2297 адам алгъандыла, экинчисин - 2146.  

Вакцинацияны толусунлай ётгенлени саны 50 мингден атлагъанды, республикада жашагъан жюз мингден аслам адам вакцинаны биринчи компонентин этдиргендиле.

Нальчикни бек къоркъуулу жукъгъан ауруулагъа къажау госпиталини врачлары билдиргеннге кёре, вакцина салдыргъанланы санында эки-юч ыйыкъны ичинде коронавирусха къажау антитела чыкъгъан эселе, аллайланы ичинде ауур ауругъанла жокъдула. 

КъМР-ни Башчысы Казбек Коков инсанла бла приём бардыргъанды. Къабарты-Малкъарны Башчысы бла тюбешиуге Нальчикде, Бахсан, Эльбрус эм Прохладна районда жашагъанла келгендиле. Ала къолайсыз кёп сабийли юйюрледен эм жашауларында къыйын болумлагъа  тюшген инсанла эдиле. Тилеклени асламысы уа жашау болумларын игилендиририу бла байламылы эм бийик технологиялы медицина болушлукъ кереклиле болгъандыла.

КъМР-ни – 100-жыллыгъына

Кавказны халкълары Россейге къошулгъанлары бла регионда уллу тюрлениуле башланнгандыла: административ, политика, сюд, культура, билим бериу, илму, интеллигенцияны хазырлау эм башха сфералада да. Кавказ къазауатдан сора башланнган жангычылыкъланы юслеринден биз РАН-ны Къабарты-Малкъар илму арасыны гуманитар тинтиулени институтуну этнология бёлюмюню башчысы, тамата илму къуллукъчу, тарых илмуланы кандидаты, доцент  Дмитрий Прасолов бла   ушакъ бардыргъанбыз.

Россейни кюнюнде КъМР-ни Башчысы Казбек Коков къууанчлы халда тюрлю-тюрлю сфералада жетишимле болдургъан жерлешлерибизге къырал саугъала бергенди. Белгиленнгенлени араларында уа Юсюпланы Исмайылны жашы Мусса да бар эди. Ол кёп жылланы бет жарыкълы уруннганы ючюн КъМР-ни Сыйлы грамотасына тийишли болгъанды. 

Сабийлени къоруулауну халкъла аралы кюнюнде Парламентни спикери Татьяна Егорованы башчылыгъында депутатланы къаууму Прохладныйде сабий-юй интернатда тургъан балачыкълагъа къонакъгъа баргъандыла.