|
|
Жамауат
30 августа, 2019 - 08:11
Шимал Кавказны жаш тёлюсюню «Машук-2019» форумунда къонакъда РФ-ни Президентини СКФО-да толу эркинликли келечиси Александр Матовников эм округну субъектлерини башчылары болгъандыла. Ала «Проектлени ярмаркасында» бирси жыллада конкурслада хорлагъан эмда грантлагъа тийишли болгъан ишле бла шагъырейленнгендиле. Ызы бла регионладан делегацияла бла тюбешгендиле.
30 августа, 2019 - 08:00
Бюгюнлюкде кёп фатарлы юйюрлеге капитальный ремонт этиуню юсюнден даулашла дайым чыгъа турадыла. Программа къабыл кёрюлюп, налог тохташдырылгъанлы иги кесек заман озгъанды, болсада адамла аны магъанасын толу ангыламайдыла, тёлерге унамагъанла да аз тюйюлдюле. Аны юсюнден «Комсомольская правда» газетде РФ-ни алгъыннгы къурулуш эм жашау журт-коммунал мюлк министри Михаил Меньни интервьюсун басмалауну дурус кёргенбиз.
28 августа, 2019 - 09:25
Ата журтну, юйню, тыпыр ташны темасы литературада, ол санда малкъар адабиятда да, не заманда да сыйлы, энчи жерни алгъанды. Бусагъатда уа аны юсюнден не къадар кёп айтылса да, артыкъ болмазлыгъы бла даулашырыкъ чыкъмаз.
28 августа, 2019 - 09:10
Тауланы да ариулукълары аз болур эди, алада чучхурла болмасала. Бийикледен саркъып келген шорха чынгыл къаядан энишге секиргенде, аны таза тамычылары кюнню таякъларындан накъут-налмасча жылтырай, учууну жырын айта келе келип, ташлагъа тийип, жан жанына чачыладыла. Сора, жангыдан бир ызгъа жыйылып, ойнай-ойнай, секире, уллу черекге ашыгъадыла.
28 августа, 2019 - 09:00
Элбрус районну Терс-Къол элини орта школуну технологиядан педагогу Шауаланы Лейля билим бериуде алай кёп ишлемеген эсе да, жангычылыгъы бла, сейир амалланы къурай билгени бла айырмалыды. Биз аны бла окъутууну, башха затланы юслеринден да ушакъ этгенбиз.
23 августа, 2019 - 08:17
Миллет миллетлей сакъланыр ючюн, хар адам кесини адебин, адетин намысын сакъларгъа керекди. Бу башда айтылгъан затланы багъалата билген адам а :"Кесими юлюшюмю къошханма мен да халкъым халкълай сакъланыр ючюн", - дерге да боллукъду.
Эртте заманлада, не сеийр эсе да, бу башда айтылгъанланы барын да сакълай да, багъалата да билгендиле. Бусагъатдагъы жаш тёлю бу затланы нек сансыз этерге керекди деп, хар бирибиз сагъышланабыз. Къайсы бирибиз да кесини къолундан келген юлюшюн къоша турса, бир аламат иш боллукъ эди.
23 августа, 2019 - 08:12
Бюгюнлюкде Ставропольда 95 миллет жамауат организация ишлейдиле. Ала маданиятларын, тиллерин сакъларгъа кюрешедиле, жаш тёлюню юйретедиле. 1980 жылдан бери ишлеген Къарачай-Малкъар «Алан» маданият ара да аланы санындады. Арт тёрт жылда анга Джегутадан Гочияланы Исмайыл башчылыкъ этеди. Аны юсюнден хапарны да ол айтады.
23 августа, 2019 - 08:11
Къазакъланы Мустафаны жашы Борис Огъары Малкъарда 1939 жылда туугъанды. Ёз элинде устазлыкъ ишге ёмюр жарымдан артыкъ заманны бергенди, аладан онсегиз жылны мектепни директоруну къуллугъунда. Жашау аны сынар ючюн къоймагъанды, алай не къыйын кезиуде да ол кертиликни, тюзлюкню тутуп, сый-намыс, огъурлулукъ, адеплилик жорукъланы бузмагъанды. Алай болмай да не амал, ол, чынтты партиячы, коммунист ниетлени бюгюн да къаты сакълагъанлай келеди.
21 августа, 2019 - 08:25
Батчаланы Мусса 1939 жылда Кумуш деген къарачай элде туугъанды. Анда жашагъанды. Къарачай-Черкес къырал педагогика институтда окъугъанды. Жазыучулукъ ишин эртте башлагъан эсе да, китаплары уа эсли болгъанда басмаланнгандыла.
21 августа, 2019 - 08:23
Халкъыбызны шыйыхы Мечиланы Кязимни жашау, чыгъармачылыкъ да жолларына атап, Къулийланы Къайсын атлы Малкъар къырал драма театр 1965 жылда «Жаралы жугъутур» деген пьесаны салгъан эди. Аны автору КъМР-ни сыйлы артисти эм драматург Маммеланы Ибрагим болгъанды.
Страницы
|
