Тири солууну сюйгенлеге – жангы онгла

2026 жылгъа «Эльбрус» курортну жангыртыргъа умут барды. Ол заманнга Кавказ.РФ Азау таланы эм аны тийресин айбатландырыргъа, жангы объектле – тири солуу бардырырча парк, променад, спорт майданла – ишлерикдиле.

Андан тышында, Къабарты-Малкъарны Курортла эм туризм министерствосундан билдиргенлерича, болгъан эм жангы объектле бир архитектура сыфатха келтирилликдиле, терекле орнатыллыкъдыла, автомобиль эм адамла жаяу жюрюген жолчукъла тапландырыллыкъдыла, чыракъла салынырыкъдыла. Адамлагъа сайлау болурча, аттракционла, тау гыллыучала, каток, скейт-парк, скалодром, сабийле ойнарча жерле  боллукъдула. Ырахат солууну сюйгенлени сейирлери да эсге алынады, алагъа жайгъы верандала ишленирикдиле, эшикде китапхана кураллыкъды. Минги тауда Уллу Ата журт урушну сермешлери баргъан жерлени тапландырыугъа да энчи эс бёлюнюрюкдю.

 

Кульчаланы Зульфия.
Поделиться: