Чемпионну саугъалары ючюн

Дондагъы Ростовда 13-16-жыллыкъ спортчуланы араларында  шёндюгюлю пятиборьядан Олимпиаданы эки кере чемпиону Андрей Моисеевни саугъаларына битеуроссей эришиу бардырылгъанды. Анга Ростов областьдан, Ставрополь эм Краснодар крайладан, Донецк эм Луганск Халкъ республикаладан бла Къабарты-Малкъардан 200-ге жууукъ адам къатышханды.

Бизни республиканы къаууму 12 спортчудан къуралгъанды. Двоеборьеда къызланы араларында кюмюш майдалланы Къалабекланы Азиза, Атабийланы Алия бла Малика къытхандыла. Жашлада экинчи жерлени Руслан Шеметов, Ботталаны Дамир, Астемир Бакуев алгъандыла. Троеборьеде жашларыбыз жетишимли болгъандыла, «кюмюшле» бла Ахкёбекланы Карим, Дамир Ведепянин, Адмир Сруков къайтхандыла.

Кульчаланы Зульфия.
Поделиться: