Жаш адамлагъа усталыкъны энчиликлерин кёргюзтгендиле

«Единая Россия» жаш  юристлеге стажировканы ачханды. Бу жаны бла башламчылыкъ Санкт-Петербургда XI халкъла аралы юридический форумда этилгенди. Жыйылыуну программасына 120 аслам жумуш киргенин белгилерчады.

 Тёреде болгъаныча, форум жаш тёлюню жыйылыуу бла ачылгъанды. Анда экспертлеча законла чыгъарыучу, сюд органланы, федерал министерстволаны бла ведомстволаны, Илмуланы Россейли академиясыны, вузланы келечилери сёлешгендиле.

 - Тюбешиуде россейли эм халкъла аралы правода тюрлениуле сюзюлгендиле. Дагъыда усталыкъларында жетишимлилени жашауларыны, аланы праволу ишде сынауларыны юслеринден да баргъанды сёз. Усталыкъны энчиликлерине энди кирише башлагъан жаш адамлагъа уа ол артыкъда магъаналыды, - дегенди тюбешиуню юсюнден    KABARDIN-BALKAR.ER.RU сайтха РФ-ни Къырал Думасыны депутаты Виктория Родина.

Ол форумда «Единая Россияны» атындан сёлешгенди. Ушакълагъа къатышханланы партия   жаш тёлюге жарашдыргъан социал лифтлени энчиликлерине сейир бютюнда уллу болгъанын белгилегенди депутат. Дагъыда жаш юристле «ПолитСтарт» проектге къатышыуну низамына, партияны халкъ программасына кирген башха башламчылыкълагъа  эс бурулгъандыла.

- Депутатла Ольга Занко, Екатерина Стенякина эм Михаил Киселев бла бирге «Единая Россияда» жаш юристлеге стажировканы ачханбыз. Депутатла, профессионал юристле бла бирге жаш адамла консультацияла бардырыргъа, инсанланы тилеклерине бла тарыгъыуларына жууапла берирге юйренирикдиле. Энтта законла чыгъарыу ишге къатышыргъа онглары да боллукъду,-дегенди  Виктория Родина.