Россейни чемпионатында сермеширикдилеПятигорскда спорт микс-файтдан СКФО-ну биринчилиги бла чемпионаты бардырылгъанды. Ол къатыш единоборстволаны тюрлюсюдю, аланы барысында да болгъан уруу эм тутушуу техникаланы бирикдиреди. Эришиулеге Дагъыстандан, Ингушетиядан, Къабарты-Малкъардан, Чеченден бла Ставрополь крайдан 300-ге жууукъ спортчу къатышханды. Республикабызны къауумуну санында аскер искусстволаны «Барс-Тырныауз» академиясыны келечилери да сермешгендиле. Аладан алтын майдалланы Ибрагим бла Тамерлан Готыжевле, Жолабланы Сафия, Хамид Алхасов алгъандыла. «Кюмюшлени» Малкъарланы Карим, Габоланы Дамир, Эмир Гусейнов алгъандыла. Бу спортчула барысы да энди Россейни чемпионатына бла биринчилигине къатышырыкъдыла, ол а жайда Ставрополь крайда боллукъду. Хорлагъан спортчуланы тренерле Этезланы Владимир, Ангелина Лазаренко бла Мусса Шогенов юйретедиле.
Поделиться:
Читать также:
19.04.2024 - 13:10 →
Тёзюмлю эм ышаннгылы къаячы
17.04.2024 - 14:44 →
Чаришле бийик даражада ётерча
16.04.2024 - 12:00 →
Сыйлы айгъа атап
16.04.2024 - 09:00 →
«Акбарсны» кубогундан – хорламла бла
16.04.2024 - 08:30 →
Уллу эришиуню аллында – ахшы сынам
|