Проектле къалай толтурулгъанлары тинтилликдиКъабарты-Малкъарны Правительствосунда «Маданият» миллет проектни СКФО-ну регионларында толтуруу бла байламлы мониторинг жыйылыу боллукъду. Анга Россейни культура министрини орунбасары Надежда Преподобная, Къабарты-Малкъарны Башчысы Казбек Коков, къыралны битеу субъектлерини маданият жаны бла толтуруучу власть органларыны башчылары, маданият учрежденияланы башчылары эм экспертле къатышырыкъдыла. Жыйылыуда «Культура», «Пушкинская карта» эм «башха» проектлени тамамлау, ёсе келген тёлюлени тин-ниет эм Ата журтха сюймекликде юйрету бла байламлы соруулагъа къаралырыкъды. Аны аллында Правительствону Колонна залында «Культура» проект субъектледе бардырыуну юсюнден кёрмюч эм халкъ усталыкъланы бла чыгъармачылыкъны «Золотой век республики» деген кёрмючю ачыллыкъдыла. Жыйылыугъа къатышханла «Арт-идея» арагъа барлыкъдыла, ол Искусстволаны Шимал-Кавказ къырал институтуну мурдорунда 2022 жылда къуралгъанды, округда прототипированиядан жангыз чыгъармачылыкъ арады. Сора, «Регионланы айнытыуну шёндюгюлю амаллары» деген «тёгерек стол» да боллукъду, анда фольклор-этнографя байрам ётдюрюллюкдю эм республиканы шахарларыны бла районларыны миллет арбазлары къуралырыкъдыла.
Поделиться:
Читать также:
19.04.2024 - 12:45 →
Огъурлулукъгъа ийнаныуну тас этмей
17.04.2024 - 14:39 →
Ара межгит – ариу жерлерибизден бири
16.04.2024 - 09:26 →
«Ишим халкъгъа хайыр келтирсе сюеме»
15.04.2024 - 10:22 →
«Чепкенлерибизни жаратханла кёп болуп, аланы терк сатып алгъандыла»
09.04.2024 - 10:00 →
Аны жашауун сахна жарыта эди
|