Алчылыкъны ычхындырмагъандыла

Дондагъы Ростовда эстетика гимнастикадан «ОСКАР» деген битеуроссей тёрели эришиу эм область даражалы сабий турнир бардырылгъандыла. Алагъа къыралны 22 регионундан 6-16-жыллыкъ спорнтчуладан  600-ге жууугъу  къатышхандыла.

Бизни республикадан анда башха-башха жыл санда беш команда эришгендиле. Битеуросей турнирде «Элбрус» къауумубуз ючюнчю жерге  чыкъгъанды, аны келечилерине биринчи спорт разряд да берилгенди. Область эришиуде уа «Эльбрус-Сияние» командабыз хорлагъанды, «Эльбрус-Котята» - экинчи, «Эльбрус-Грация» бла «Эльбрус-Олимпия» уа ючюнчю жерледе орналгъандыла.