Таза суу бла сылтаусуз этерча

Псыхурей элде «Эл жерлени комплекс халда айнытыу» къырал программаны чеклеринде Малкинская бла  Клиническая орамлада 1100 метр чакълы бирде   таза суу баргъан быргъыла тартхандыла,- деп билдириледи КъМР-ни Эл мюлк  министерствосундан.

Сагъынылгъан орамлада элни ортасында орналадыла. Алада эллиден аслам  юйюр жашайды. Энди алагъа  суу  уллу басым бла келеди.   Аны бла бирге элни огъары жанында скважина ишлене турады. Ол да 1,5 минг адамны суу бла жалчытырыкъды.  Ишлени толусунлай быйыл июньда бошар план барды.

Проектни бардырыргъа федерал эм республикалы  бюджетледен  7,5 миллион сом бёлюннгенди. Къырал программа регионну  Эл мюлк министерствосуну башчылыгъы  бла бардырылады.