Тинтиулени эсеплери къууандыргъандыла

2 мая, 2023 - 10:41

Республикада «Россейни сабийлери - 2023» оператив-профилактика ишни чегинде тинтиу жумушла бардырыладыла. МВД-ны наркотиклени законсуз сатыу-алыугъа къажау кюреш бардыргъан управлениясыны келечилери, участка полицияла, акъылбалыкъ болмагъанланы ишлери жаны бла инспекторла, кинологла бла бирге «Строитель» эм сатыу-алыу-технология колледжлени общежитлеринде эм аланы тийрелеринде рейдле бардыргъандыла.

Полициячыла бла университетни администрациясыны келечилери  общежитлени отоуларын тинтгенден сора студентлени сорууларына жууапла бергендиле. 

Тинтиуню кезиуюнде полициячыла наркотиклени законсуз сатыу-алыу бла кюрешгенлени, аланы хайырланнганланы да тапмагъандыла, - деп билдиредиле МВД-ны КъМР-де пресс-службасындан.

Холамханланы Алима.
  • 34 просмотра
Поделиться: