Финансдан жаш тёлюню ангылауу болурчаУчи.ру деген билим бериу платформада финанс окъуулулукъдан бла предпринимательстводан олимпиада ётгенди. Аны Россейни Банкы, РФ-ни Финансла эмда Экономиканы айнытыу министерстволары къурагъандыла. Бу жол болгъанын санаса, ол алтынчы кере бардырылады, дегендиле КъМР-ни Экономиканы айнытыу министерствосунда. Анга саулай Россейден эки миллион чакълы окъуучу къатышханды. Энчи Къабарты-Малкъарны юсюнден айтханда, анда билимлерин сынагъанланы саны, алгъын жыл бла тенглешдиргенде, ючден бирине кёбейгенди. «Барындан да тири Нальчикден, Прохладна эмда Терк районладан школчула къатышхандыла. Жаш тёлюню арасында бу олимпиадагъа сейир ёсе баргъаны къууандырады. Аны хайырындан ала билгенлерин сынап кёредиле, жангы билим да аладыла», - дегенди Россейни Банкыны Къабарты-Малкъарда бёлюмюню башчысыны орунбасары Балаланы Расул. Бу жол школчула хыйлачыла адамланы къалай алдаучуларын теркирек билгендиле, предприятияланы ишлерин тинтип, онгларын ачыкълагъандыла. Алай ашхананы иесича уа кеслерин кёпле кёргюзталмагъандыла. Школчула, оборудование сатып алыудан башлап, багъаланы тохташдырыуну, алыучуланы сейирлерин жалчытыуну да ойларгъа керек эдиле. Аны жаланда жюзден бешиси тамамлагъанды. Страховка сайлау бла байламлы жумушланы уа онбир проценти тындыргъанды.
Поделиться:
Читать также:
26.03.2024 - 11:52 →
Сакъат сабийле окъуусуз къалмазча
26.03.2024 - 10:13 →
Налог окъуулулукъдан дерсле
19.03.2024 - 11:49 →
Окъутханларына, ёз аналарыча, къайгъыра
19.03.2024 - 10:17 →
Сынауладан жетишимли ётедиле
12.03.2024 - 10:42 →
Предпринимательликни тасхалары бла шагъырейлендиргенди
|