Атасы бла жашы наркотикле бла тутулгъандыла

Къабарты-Малкъарны наркотиклени законсуз сатыу-алыугъа къажау управлениясыны келечилери ууланы сатхан эр кишини тутхандыла.

Оператив-излеу ишлени кезиуюнде полициячыла «Гром» энчи отрядны болушлугъу бла Нальчикде Эльбердов атлы орамда Ставрополь крайда жашагъан ата бла жашын тутхандыла.  Аланы кийимлерин тинтген кезиуде  ичинде эки кёк тюрсюнлю капсулала бла 17 чулгъам тапхандыла. Аманлыкъчыла ангылатханларыча, сыйырылгъан вещество наркотик эди. Аланы уа интернет бла хайырланып, букъдурулгъан жерден Нальчикде жаяр умут бла  алгъандыла.

Этилген экспертизагъа кёре, сыйырылгъан вещество 16,71 грамм тартхан наркотик эди.

МВД-ны КъМР-де Следствие бёлюмю аманлыкъчылагъа РФ-ни УК-сыны 228.1 статьясыны 4-чю кесегине тийишлиликде (Интернет бла хайырланып,  уллу ёлчемде наркотиклени сатар мурат) терслеу иш ачханды.

 Шёндю аланы эркинликлери сыйырылыпды, деп билдиредиле МВД-ны КъМР-да пресс-службасындан.

Холамханланы Алима.
Поделиться: