Хыйлачыла алдаргъа амал излейдиле, сакъ болугъуз!

Телефон бла сёлешиучю хыйлачыла адамланы алдарча жангы амал тапхандыла. Энди ала кеслерин полицияны неда Ара банкны ишчилерича алай танытыргъа кюрешедиле. Телефон номерлерин къырал учрежденияланы номерлерича (8(495..), 8(499) кёргюзтюрге да юйреннгендиле. Адамны ышандырырча жалгъан документлерини неда удостоверенияларыны суратларын жиберирге боллукъдула.

Хыйлачыланы кёп алдаулары болуучуду. Ахчагъызны къорууларгъа керекди деген сылтау бла аны «къоркъуусузлу счётха» кёчюртюрге, СМС-билдириуден кодну айтдырыргъа да боллукъдула. Дагъыда социал тёлеу беребиз неда аманлыкъчыны тутабыз деген сылтаулары да болуучудула.

Бу затланы эсигизде тутугъуз:

1. Сизге МВД-ны неда банкны ишчисиме деген бир адам бла да сёлешип заманыгъызны къоратмагъыз. Алай айтсала, телефонну салыгъыз, ызы бла ол ведомстволаны официальный номерлерине кесигиз сёлешип соругъуз хапар керти болгъанын.
2. Телефонну къайда болсада къоюп кетмегиз. Бирле анда «Мобильный банкга» кирирге боллукъдула. Дагъыда телефоннга пароль салыгъыз!
3. СМС неда электрон почта бла келген интернет адреслени бирине да кирмегиз, программаланы да алай жангыртмагъыз.

Сизге хыйлачы сёлешсе, аны юсюнден полициягъа эмда банкга билдиригиз!