Алгъышлау

Къабарты-Малкъар  Республиканы Башчысы  К.В. Коковну

Малкъар халкъны жангырыууну кюню бла

АЛГЪЫШЛАУ

Къабарты-Малкъарны хурметли жамауаты, багъалы жерлешлерим! 28 мартда республикабыз Малкъар халкъны жангырыууну кюнюн белгилейди. Ол керти окъуна уллу къууанчды, кертилик бла тюзлюк хорламай къалмазлыгъын белгилеген кюндю.

Малкъар халкъ, анга этилген законсузлукъну – туугъан жеринден зор бла кёчюрюлген ачыуну намыслы кётюрюп, ата журтуна къайтып, андан сора жыллада жашауну битеу бёлюмлеринде да бийик жетишимле болдургъанды, кесини адет-тёрелерин, ниет эмда билим онгларын бютюн байыкъландыргъанды.

Бюгюнлюкде да малкъар халкъ бизни кёп миллетли республикабызны битеу халкълары бла бирге къарындаш байламлыкъланы кючлей, келишиулюкде жашап, барыбызны да юйюбюзде – Къабарты-Малкъарда бла саулай Россейде – келир заманны жашауун къурау бла кюрешеди. Биз бирге болсакъ, заманны не къыйын сынауларына да чыдаяллыгъыбызгъа, туугъан республикабыз бла Ата журтубуз жашнар эмда ырахатлы жашау этер ючюн къолубуздан келгенни аямазлыгъыбызгъа, битеу бизге салыннган борчланы толтураллыгъыбызгъа да бир ишеклигим жокъду.

Къабарты-Малкъарны жамауатын  байрам бла жюрегимден алгъышлай, кийик саулукъ, монглукъ, насып эмда жюрек ырахатлыкъ тежейме.