Жети кёпюр жангыртыллыкъды

КъМР-ни Транспорт эмда жол мюлк министерствосундан билдиргенлерича, бюгюнлюкде  республиканы  федерал магъаналы жоллада  юч уллу кёпюрге тынгылы  ремонт этиле турады.

 - Бахсанда шахар округда  узунлугъу   120 метрден аслам болгъан кёпюрню эм  Огъары Бахсан элникин  да жылны ахырына бошарыкъдыла.  Аны бла бирге келир жылда июльгъа  Урван районда Экси Черекни кёпюрю да жангыртыллыкъды. 

Регион магъаналы жолланы юсюнден айтханда, бусагъатда  тынгылы ремон   тёрт кёпюрге этиледи.   Ол санда Бахсан шахар бла Дыгулыбгейни арасында кёпюрню  жангыртып башлагъандыла.    Заюковода сооруженияда да  тийишли ишле быйыл башланырыкъдыла. 

Анда сора да,  келир жылда Май районда Черек суугъа бла  Огъары Малкъарда  Мухол кёпюрлеге къараллыкъды.