Аз-аз урлай, иги кесек ахчаны къымгъандыНальчикни полициячылары юч миллион сомну урлагъанына ишеклини тутхандыла. Быйыл 17 февральда Нальчикде УМВД-гъа 76-жыллыкъ эр киши тарыгъып келгенди. Ол къурулуш компанияладан бирине башчылыкъ этеди. Аны айтханына кёре, ишчи жеринде ким эсе да темир шкафдан 3,077 миллион сомун урлагъанды. Излеу-тинтиу жумушланы бардыргъан кезиуде право низамны сакълаучула уручулукъ этгенине ишеклини тутхандыла. Ол къурулуш компанияда ишлеген 35-жыллыкъ эр кишиди. Ол аманлыгъына женгдиргенди. Аны айтханына кёре, 2022 жылда октябрьден 2023 жылда 8 февральгъа дери ахчаны аз-аздан алып, кесини кереклерине къоратып тургъанды. Ишеклиге РФ-ни УК-сыны 158-чи статьясыны 4-чю кесегини «б» пунктуна кёре терслеу материалла ачылгъандыла.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
| ||
