Хурметли жамауат!

23 февральда- Ата журтну къоруулаучусуну кюнюнде «Биз биргебиз»  акцияны чеклеринде мобилизациягъа чакъырылгъанланы юйюрлерине болушлукъ этиу республикалы штабы, КъМР-ни Жаш тёлюню ишлери жаны бла министерствосу  эм «Жашил базар» сатыу- алыу комплексни таматалары  жандауурлукъ ишни, ол санда «Къоруулаучу санга махтау» деген концертни бардырлыкъдыла.

 Бу магъаналы жумуш бла байламлы башда сагъынылгъанла республикада жашагъанланы мобилизацияда болгъанланы юйюрлерине себеплик этерге эм ол кюн «Жашил базарны» кёгетле сатхан  комплексини  ачыкъ къуралгъан майданында боллукъ ишлеге къатышыргъа чакъырадыла.

Алайгъа келген къонакъланы аскер жырладан къуралгъан музыкалы программа сакълайды, тарых бла байламлы театр юзюкле да кёргюзтюллюкдюле. Андан сора да мероприятиягъа къатышханла   аскерчилени азыкъларын  кёрюрге боллукъдула эм суратха тюшерге да онг барды.

  Ата журтну къоруулаучусуну кюнюде бардырыллыкъ жандауурлукъ ишге «Биз биргебиз» акцияны къураргъа болушханла да тири къатышырыкъдыла.

Сагъынылгъан майдан 11 сагъат 30 минутда ачылып 13 сагъатха дери ишлерикди.

Бизни корр.