Россейни Урунуу кодексине кийирилген тюзетиуле сакъат сабийлери болгъан юйюрлеге болушлукъгъа бурулупдула.

Бу къошакъ солуу кюнлени хайырланыуну низамы  сакъат сабийлеге къараргъа къошакъ солуу кюнлени бериуню жорукъларында тохташдырылыпды (РФ-ни Правительствосуну  2013 жылда 13 октябрьде чыгъаргъан 1048-чи номерли бегими).

Былтыр 5 декабрьде къабыл кёрюлген 491-чи Федерал закон а башында белгиленнген статьяны жангыртханды. Энди къошакъ солуу кюнлени барысын да бир жолгъа хайырланыргъа эркинлик берилгенди. Башхача айтханда,  ата неда ана ауругъан сабийине къарар ючюн берилген кюнлени ай сайын къоратмагъан эсе, аланы барысын да жыйышдырып, бир жолгъа 24  кюнню солургъа боллукъду.