Кёпюрлени жангыртыу жаны бла иш кёпдю«Къоркъуусузлу тынгылы жолла» деген миллет проектни чеклеринде бизни республикада жаланда жолланы угъай, кёпюрлени, путепроводланы да жангыртадыла. Алай бла быйыл эки жерде мадар этилликди. Биринчиси Прохладна – Элбрус автомашина жолда орналгъан кёпюр эмда путепровод. Ала Басхан шахардан Дыгулыбгей эл таба жетерге онг бередиле. Дагъыда Заюковода район больницагъа баргъан жолда кёпюрню жангыртырыкъдыла. Ол Заюково – Туфкарьер – Дыгамухо жолдады. Быйыл энтта да Майский-Заречный-Ново-Ивановское жолда эмда Огъары Малкъар – Мухол жолда кёпюрлеге тынгылы ремонт этилликди. Бу объектлени барыны да узунлугъу тёрт жюз метр чакълы болады. Алада ишле шёндюледе башланырыкъдыла. КъМР-ни Транспорт эмда жол мюлк министерствосунда айтханларына кёре, хар нени да келир жыл тамам этип бошаргъа дейдиле.
Поделиться:
Читать также:
29.03.2024 - 08:05 →
Сатыу-алыу кёбейгенди
27.03.2024 - 19:41 →
Танг кесек консерва чыгъарылады
22.03.2024 - 15:38 →
Эллилеге бла къонакълагъа таплыкъгъа
22.03.2024 - 15:38 →
Кёпюрню къурулушу къыстау барады
22.03.2024 - 15:20 →
Жолла мардалагъа келиширча
|