Бюгюн ахыр кюндю

Жангы жылгъы байрамладан сора кёпле назы тереклерин орамлагъа атадыла. Ол а кир-кипчикни ташыгъан службалагъа жюк болады. Быллай болуму тюзетир ючюн «Экологистика» организация  «Зёленый дозор» деген ишчи отряд бла бирге «Ёлочный круговорот» деген акцияны бардырады. Къабарты-Малкъар анга тёртюнчю жыл къатышады, деп  билдиреди оранизацияны пресс-службасы.

Акцияны чеклеринде  Нальчикде 4 жерге келтирир онг барды назыланы: Шортанова 20 /24, Ипподромгъа, 400-жыллыкъны майданына эм Абхазияны майданына. Андан  аланы жыйышдырып, «Горзеленхозгъа» ётдюрлюкдюле. Анда уа назыланы тийишлисича туурап, юзгелеле бла фотку этерикдиле. Аны уа шахарны солуу паркындагъы тереклени тюплерине себерикдиле. Ол а жерни мылылай туруууна себеплик этеди. Дагъыда зоопарклада тургъан жаныуарланы тюплерине  да жайыучудула аны.

Нальчикчилени акциягъа тири къатышханлары къууандырады. Кюн сайын иги кесек адам машиналарына жюклеп келтирип, бередиле. Ол а халкъ табийгъатны эм жашагъан тийрелерин тазалыкъда тутаргъа итиннгенлерини юсюнден айтады.

Эсигизге салайыкъ, бу башламчылыкъгъа дери терекле бошуна атылып туруучу эдиле. Бюгюн акцияны ахыр кюнюдю.