Жалгъан ичгиден ууланыу артыкъда къоркъуулуду

КъМР-де Ич ишле министерствону къуллукъчулары республиканы жамауатына жалгъан ичгиден ууланыргъа къоркъуу уллу болгъанын эсгертедиле.  

 Право низамны сакълаучула аракъыдан ууланыудан сакъланыуну баш амалы – жалгъан ичгини хайырланмау болгъанын белгилейдиле.   Аны ючюн а аланы жаланда лицензиялары болгъан энчи тюкенледен алыргъа керекди. Ичги РФ-ни Финансла министерствосу тохташдыргъан багъадан учуз эсе уа, ишекли болургъа тийишлиди. 

 Жалгъан ичгини къалай таныргъа боллукъду дегенде, Россейде чыгъарылгъан продукциягъа федерал маркала, тыш къыралладан келтирилгенлеге уа акциз белгиле салынадыла. Ала жабышдырылмагъан шешала  законсуз ишлеген цехледе чыгъарыладыла, аладан ууланыу а саулукъгъа ауур заран салады.  Андан ауушхан кезиуле да аз тюйюлдюле, деп ангылатадыла полициячыла. 

 КъМР-де Ич ишле министерство республиканы жамауатын саулукълары, жашаулары ючюн сакъ болургъа, ичгини сатаргъа эркин этилмеген жерледе алмазгъа, аланы энчи къырал маркаларына эс бурургъа чакъырадыла.

Тикаланы Фатима хазырлагъанды.
Поделиться: