Нальчик – алчыладан бири

Былтыр «Россейни шахары: миллет сайлау» деген битеуроссей конкурсну чеклеринде  Нальчик ючюн жюз минг адам къол кётюргенди. Алай бла Къабарты-Малкъарны ара шахары ючюнчю жерге тийишли болгъанды.

Эсге сала айтсакъ, буруннгу жыл  Нальчик тёртюнчю жерге чыкъгъан эди. Бу жол Шимал-Кавказ федерал округдан  биринчи тизмеге  жаланда бизни ара  шахарыбыз тюшгенин  да энчи  белгилеп айтырчады.

Эсеплеге кёре, бу жол биринчи, экинчи  жерлени   Владивосток бла Севастополь алгъандыла. Саулай алып айтханда, проектге  тёрт миллиондан аслам адам къатышханды.

Конкурсну хайырындан  Россейни шахарлары бла шагъырейленирге, аланы юсюнден  кёбюрек билирге онг табылады. Аллай амал а туризм бёлюмню айнытыргъа да ахшы къошумчулукъ  этеди.