Жангыртыуну сылтауу бла ахча урланнганды

Экономикада бузукълукълагъа къажау мадарланы толтургъан кезиуде. РФ-ни ФСБ-сыны КъМР-де Управлениясыны къуллукъчулары, КъМР-де МВД-ны келечилери бла бирге культура магъаналы объект  жангыртылгъанда, бюджет ахча урланнганын ачыкълагъандыла.   1925-1926 жыллада жазыучу А.Фадеев «Разгром» романны жазгъанда жашагъан журтну жангыртыуну юсюнден барады сёз. Толу болмагъан тергеулеге кёре, къыралгъа  этилген къоранч 8,2 миллион сомгъа жетеди.

 РФ-ни СК-сыны КъМР-де следствие управлениясы бу шартла бла байламлы Россейни УК-сыны 286-чы статьясыны 3-чю кесегини «в» пунктуна, 201-чи статьясыны 2-чи кесегине эмда 327-чи статьясыны 2-чи кесегине кёре терслеу материалла ачханды. Законлагъа быллай бузукълукъла этгенни эркинлиги 10 жылгъа дери сыйырылыргъа боллукъду, деп билдиргендиле бизге кюч ведомстводан.