Таулада связьны игилендириу барады

МТС организация Минги тауну тийресинде связьны тап халгъа келтириу жаны бла кёп иш бардыра келеди. Алай бла бу кюнледе ол жумушуланы кезиулю ишлерин тамамлап бошагъандыла. Энди ол тийредеги элледе бла турист объектледе 4G сеть ишлеп тебирерикди.

Организацияны КъМР-да бёлюмюню, Къабарты-Малкъаргъа келген туристлени саны  пресс-службасындан билидиргенлерине кёре, Огъары Басхандан ёрге битеу элледе энди связь тынгылы болгъанды. Аны сылтауу уа «Кругозорда» бла «Гара-Башында» станцияланы орнатыудады. 3888 метр бюгюнлюкде Шаркъ Европаны жеринде бек бийик тау МТС станция орнатылыпды. 

Жангыртыу ишлени хайырындан шёндю Интернетни бла мобильный связьны кючю эки кереге ёсгендиле.   

- Къабарты-Малкъар къонакъбайлыгъы бла белгили регионду. Быйылгъы жылда бери солургъа келген туристлени саны 18 процентге ёсгенди. Качестволу инфраструктура уа бек магъаналы болгъанын барыбыз да ангылайбыз. Туристлени къоркъуусузлукъларына заран болмазча биз излеу-къутхарыу отрядланы тийишли трекерле бла жалчытханбыз. Аланы хайырлана жолоучула Минги таугъа чыкъгъанда окъуна связьда болгъанлай турлукъдула. Спорт, альпинизм бла кюреширге сюйгенлеге МТС не заманда да связьда болургъа болушханы бла бек къууанабыз эм ёхтемленебиз, - деп чертгенди МТС компанияны КъМР-да бёлюмюню таматасы Залийханланы Эльдар.

 Эсигизге салайыкъ, сентябрь айда МТС социальный программаны чеклеринде республиканы излеу-къутхарыу бёлюмлерин 50 GPS-трекер бла жалчытханды. Ала къутхарыу ишлеге чыкъгъанланы ишлерин иги да тынч этерикдиле эм излеулеге да аз заман къоратыр онг берликди. Алда къыш тау-лыжа сезон башланнганын эсге алсагъ а, аны магъаналыгъы бек уллуду.

Къасымланы Аминат.
Поделиться: