Бу кюнледе Ставрополь крайны Пятигорск шахарында боксдан «Ачыкъ ринг» деген турнир ётгенди. Ары СКФО-гъа бла ЮФО-гъа кирген битеу субъектлеринден спортчула къатышхандыла.

Къабарты-Малкъар Республикадан биринчи жерни Теуаланы Амирхан (41 кг) бла Къонакъланы Амир (32 кг) алгъандыла Экинчи жерге уа Улбашланы Исмайыл (50 кг) тийишли болгъанды. Жашла тренер Жанатайланы Русланда жарау этедиле.

Бу эришиулени эсеплерине кёре Улбашланы Исмайыл «Хорламгъа итиниулюгю ючюн» эм Къонакъланы Амир «Эм иги боксчу» деген энчи саугъалагъа тийишли болгъандыла.

Финалистле кубокла, майдалла, грамотала эм багъалы саугъала алгъандыла.