Къабарты-Малкъарны Башчысы Казбек Коков ич ишле органлада ишлегенлени профессионал байрамлары бла алгъышлагъанды

Хурметли шуёхла!

Сизни барыгъызны да профессионал байрамыгъыз бла- Ич ишле органлада ишлегенлени кюню бла алгъышлайма!

Биз законну эм тизгинликни сакълауда тургъан, инсанланы праволарын эм законнга тийишлиликде сейирлерин къоруулагъан адамлагъа сый беребиз эм ыразылыгъыбызны билдиребиз.

Къабарты-Малкъар Республиканы ич ишле органларында чынтты профессионалла урунадыла, ала жигитликлери, огъурлулукълары эм тюзлюк ючюн тура билгенлери бла айырмалыдыла. Жыйышдырылгъан ахшы тёреле бла бара эм органлада ишлеп кетгенлени сынауларына таяна, сиз аманлыкъчылыкъгъа эм коррупциягъа къажау ишни къаты бардырасыз, жамауат къркъуусузлукъну жалчытасыз, республикада жашагъанлагъа тап болум къурар ючюн уллу къыйын саласыз.

Сизни жууаплылыгъыгъыз эм къажымагъанлай ишлегенигиз ючюн, буюрулгъан ишге кертичилей къалгъаныгъыз ючюн алгъышлайма.

Къабарты-Малкъар Республиканы Ич ишле министерствосуну ветеранлары  махтау сёзлеге тийишлидиле. Ала уруннган кезиуде бийик профессионализм кёргюзтгендиле, ишлерине кетичилей къалгъандыла эм право низамны айнытыугъа уллу къыйын салгъандыла.

Бюгюнлюкде да ич ишле органлада ишлегенлени алларында магъаналы эм жууаплы борчла турадыла. Ийнанама, сиз, алгъын кезиуледеча, салыннган борчланы шарайыпсыз толтурлугъугъузгъа, жамауат къоркъуусузлукъну ышаннгылы сакълап турлугъугъузгъа,  аны бла бирге уа бизни Ата журтубузгъа къуллукъ этгенигизни юлгюсюн кёргюзтюрюксюз.

Жюрегими теренинден сизге жетишим, кючлю саулукъ, юйюрлеригизге монглукъ тежейме, деп айтылады Къабарты-Малкъар Республиканы Башчысыны Казбек Коковну алгъышлау сёзюнде.