Хазырлыкъларын тинтгендилеБу кюнледе республикада РФ-ни МЧС-ни КъМР-де Баш управлениясыны энчи составыны окъутуу-жарау этиу юйрениулери ётгендиле. Штаб мероприятияланы кезиуюнде ведомствону къыйын болумланы кетериуге хазырлыгъын тинтгендиле. Алагъа битеуда 150 адам эм 7 техника къатышхандыла. Юйрениулени чеклеринде бир ненча тюрлю жарау тактика жумушла бардырылгъандыла. Белгиленнген объектден адамланы къутхарыу, аланы тийишли керекле бла жалчытыу, от тюшюуде къалай ишлерге кереклиси дегенча борчланы толтургъандыла. Авария-къутхарыу операциялагъа энчи эс бёлюннгенди. Техноген халли къыйын болумланы кетериуде уа специалистле тюрлю-тюрлю тинтиуле бардыра, кеслерини хазырлыкъларын кёргюзтгендиле. Бу юйрениулеге терк болушлукъ берген службаны, полицияны, авариялы службаланы келечилери да къатышханлары себепли, аланы ведомствола аралылагъа санаргъа боллукъду. - Юйрениулени бардыргъаныбызны баш сылтауу Граждан оборонаны эм башха службаланы къыйын болумлагъа хазырлыкъларын тинтип ангылауду, - деп чертгенди РФ-ни МЧС-ни КъМР-де Баш управлениясыны таматасы Михаил Надёжин.
Поделиться:
Читать также:
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
15.04.2024 - 08:36 →
Бютюн зауукълу солурча
12.04.2024 - 09:58 →
Мектепни ток бла жалчытхандыла
11.04.2024 - 10:01 →
Саулукъларын кючлер хыйсапда
|