Иши къыйматлы болгъан «112» система

Къабарты-Малкъарда телефон бла сёлешиулени жарашдыргъан араны мурдорунда къуралгъан 112-Системада кече, кюн да дайым ишлеп тургъан «122» телефон ыз ачылгъанды, деп билдиргендиле республиканы Транспорт эмда жол мюлк министерствосундан.

Озгъан октябрь айны ичинде, бу Араны специалистлерине 112 номер бла 22918 кере сёлешиннгенди. Ол санда жарым мобилизацияны юсюнден соруп – 1091 кере.

Андан сора да, «ЕДДС / ЖКХ» службадан - 120, терк медицина болушлукъ берген службадан а 2682 кере изленнгенди себеплик. Дагъыда «01», «02 эм «04» номерлеге 68, 617 эм 85 кере сёлешиннгенди. Къыйын болумлада кёз-къулакъ болгъан Арагъа (5), консультацияла берген (1452), регионла аралы (Ставрополь край, Шимал Осетия, КъЧР) – 65 эмда комплекс халда (эки эмда андан кёп службаны чакъырып) себеплик этген (88) бёлюмледен да болушлукъ излегенле болгъандыла.

112-Системагъа бизни республиканы къалайындан да эмда къоншу регионланы Къабарты-Малкъарны чеклерини къатларындан да сёлеширге боллукъду. Гражданла телефонларында 01, 02, 03, 04 номерлени алып, алай алагъа сёлешалмай къыйналсала, система аланы «112» номерге жибереди. Экстренный службаладан болушлукъ керек тюйюл эсе уа, Араны специалистлери тийишли консультацияла берирге хазырдыла.

Быллай службалагъа сёлешиу битеу Россей Федерацияны тийресинде хакъсызды!