Алгъа атлам

9 ноября, 2022 - 17:36

Ыйых  кюн болгъанына да къарамай, Урван районну Нарткъала элиндеги 1-чи номерли лицейини мурдорунда  «Алгъа атлам» деген ат бла форум болгъанды. Анга къатышыргъа ыразылыкъларын Россейни сабийлерини эмда жаш адамларыны къымылдауу билдиргенди. Ала  бирге жыйылып, форумну да кеслери къурап бардыргъандыла. Аны бла бирге уа ала  аны ишине  сабийлени эмда республикада  волонтёр къымылдаугъа къатышхан кёп жаш адамланы да чакъыргъандыла.

Бир майданда Нарткъаланы мектеплерини  жетинчи- тогъузунчу классларыны окъуучулары тюбешгендиле. Аны кезиуюнде  къонакъла Россейни  сабийлерини эмда жаш тёлюсюню къымылдаууну ишини юсюнден тынгылы хапар айтхандыла.

Форумну  спикерлери уа Россейни сабий эмда жаш тёлю къымылдауну регион жамауат  бёлюмюню башчысы Аслан Шипшев эмда  «КъМР-де Волонтёр (добровольчество) къымылдауну айнытыуну ресурс арасы» директору  Милана Хашева эдиле.

Форумгъа уллу себепликни республиканы Жаш тёлю министерствосу эмда Урван районну администрациясы да  этгендиле.

Суратлада: Нарткъалада форумда тюбешиу; волонтёрла ишлерини юсюнден билдиргендиле.

Суратны автор алгъанды.

 

Холаланы Марзият.
  • 13 просмотров
Поделиться: