Хорлагъанла къыралны биринчилигине къатышырыкъдыла

8 ноября, 2022 - 10:30

Бу кюнледе Нальчикде «Гладиатор» спорт комплексде шахаматладан СКФО-ну биринчилиги бардырылады. Анга жыл санлары 19 жылгъа дери болгъан 305 жаш шахматчы къатышадыла. Эришиуге кеси регионларында хорлагъанла сайланнгандыла, ол санда спортну устасына кандидатла да. Аланы араларында яникойчу сабийле да бардыла. Школчула Афашокъаланы Исмайылда жарау этедиле.

Исмайыл Сюлеменович бизге билдиргеннге кёре, бу жолгъу эришиулеге Жантуудуланы Амалия бла Имран къатышадыла. Жыл санларына кёре, ала башха-башха къауумлададыла. Амалия 6 классны окъуучусуду. Имран а 4 классдады. Сабийле «классикадан» сора да «блицде» бла «рапидада» сынарыкъдыла кеслерин.

Биринчиликге къатышханла къауумлагъа юлешинипдиле. Аланы аралары эки жыл бла айырылады. Бу турнирде хорлагъанла СКФО-ну Россейни биринчилигини финалында кёргюзтюрюкдюле.

Эришиуле 10 ноябрьге дери ётерикдиле.

 

 

Таппасханланы Аминат.
  • 25 просмотров
Поделиться: